نـبـع صـافــي
Saturday, 31 May 2008
يا نحلة ولا تقرصينى ولا عايزة عسل منك
فيه بعض الناس اللطيشة خفيفة الظل
بتحاول تقلل من نجاح الإنسان اللى قدامها طيب ليه ؟؟؟؟؟؟
يا ترى مثلا كراهية ورغبة فى الانتقام من الإنسان دا
ولاا دا مزاج عندهم وهواية
عندهم يقللوا من نجاح البنى أدم اللى قدامهم
والنوع التانى دا من الناس دى هو اللى خطير جدااااا
لأن الأنا عندهم دائما عالية أوووووى
ودائما شايقين نجاحهم بس حتى لو كان نجاحهم متواضع
ومتجاهلين نجاح الآخرين حتى لو كان نجاحهم عظيم
ولو كان نجاح الغير متواضع من وجهة نظرهم
بيحاولوا يخلوه صفر على الشمال يعنى لا قيمة له
ومش عارفه الناس دى هتستفيد ايه
وكمان هم مش متخيلين هم بيعملوا ايه فى البنى أدم اللى قدامهم
لما بيقللوا نجاحه دا من تحطيم معنويات وإرادة
وهدم كيان بيتبنى وأمل بيكون ليعيش حياة سعيدة
بجد حاجة صعبة بتحصل للناس اللى بتتجرح دى
نتيجة سفاهة وجهل ناس متكبرة
يعنى مش هيكون فيها حاجة لما الناس المتكبرة دى
المنفوخ هوا فى الغالب
تقول للانسان الناجح دا
أحسنت ، عمل موفق ، بارك الله فيك ،
استمر أنت على الطريق الصحيح ، وفق الله خطاك
، طبعا مش هيقولوا كل الكلام دا
عشان مانبقاش طماعين وكمان ممكن يغمن عليهم
كفاية أووووووى أى كلمة أو عبارة جميلة
تعطى دفعة أمل وإرادة للإنسان اللى حقق نجاح
سواء كان عظيم أو متواضع
ولو كانت الناس اللى بتقلل النجاح
مش هتعرف تقول أى كلمة تشجيع بسيطة
يبقى الأحسن ياريت تتكرم بالسكوت
زى بالظبط
يا نحلة ولا تقرصينى ولا عايزة عسل منك
لان كلامهم المحبط هيهدم الكتير
فيكون سكوتهم أفضل وأكرم
وما دام مش عارفين نحب بعض صح
ونغير من فلسفة الأنا عند الغير
هيكون السكوت أفضل وأكرم
وكل واحد يعيش حياته بنجاحه بأمله وبإرادته كما تحلو له
وفى ناس هتقول أنا مايهمنى أى حد
ما دام أنا بأجتهد وأحقق نجاح ما يهمنى شىء
وهاستمر ...... طيب إزاى نحن بشر محتاجين
نرضى غرورنا البسيط ونحس بنجاحنا دا
بين الناس اللى حوالينا
والنجاح ماهيكون نجاح إلا إذا حسيت به من اللى حواليك
بجد ياجماعة محتاجين نفهم بعض صح
ونحب بعض صح ونحترم ونشجع بعض صح
ونقوى بعض وننجح مع بعض
دا الكلمة الطيبة صدقة ومش هتكلف الإنسان
حاجة ولا جهد ولا وقت ولا فلوس
بالعكس هيأخد أجر الصدقة
و مش قصدى تكون كلمة مجاملة أونفاق
لاا طبعا كلمة تشجيع صادقة
هتخلى البنى أدم دا يكمل بعزيمة قوية
كلمة مش جملة
فمابالك لو جملة
يا أخى لا تمل بوجهك عنى ما أنا فحمة ولا أنت فرقد
Sunday, 25 May 2008
اشتقت إليك يا نفسى
أصعب ظلم بجد أن الإنسان يظلم نفسه أوقات
بيظلمها بإرادته أو بدون إرادته
بعلم منه أو جهل
وكمان بيتجاهل اذا كانت نفسه تستحق كل الظلم دا منه
ولا لاء وياترى هتتحمل دا ولا لاء
ليه لما بنتعامل مع الغير نتعامل بقلوبنا وبعقولنا
ونلتمس لهم الأعذار و كمان بنتفننا فى اختراعها
ونتوقع منهم الكثير ولا نجد إلا القليل
ونرضى وعادى
لهم مشاعرنا فيقابلونها بالسخرية والاهمال
نشترى بهم الخير فنباع من أجل الغير
و كل هذا و نفسى تنادينى بكل رقة
رفقا بى فأنا لا أتحمل كل هذا منك ولا أستحقه
فلا ألقى لها بالا ولا أنصت
وأردد عليها دوما نحن بشر لسنا ملائكةا
فأكيد سيأتى الوقت الذى ينتبه فيه الاخرين
لما فعلوه فى حقى وحقك
فكاانت تلومنى وتردد إننى نفس ولست ملاكا
وفى حاجة إلى إرضاء غرورى بشىء
من الحب والاهتمام
ولكن للأسف
والآن أنا أعتذر لك بأعلى صوت
لأنى أهملتك وأنشغلت عنك بالدنيا والآخرين
سامحينى يا نفسى
أعلم أنك نقية وطيبة وتسامحيننى
أعلم كل أخطائى فىحقك
أعلم إنى أثقلت عليك وأحملتك فوق طاقتك
فقد ألهتنى الحياة وشغلنى رضا الغير
أعلم أنى قصرت فى سؤالى عنك
فلم أسألك كيف أصبحت وكيف أمسيت ؟؟
هل أنت مرتاحة أم متعبة ؟؟؟
ماذا تعانين؟؟و ماذا تحتاجين ؟؟
ماذا تكرهين ؟؟؟وماذا تحبين؟؟؟
أريد أن أصارحك بما أخفيته عنك
ولا أريدك أن تقسو علي بلومك
لأنــــنى أعــلم
إننى مخطىء
إننى عشت لغيرى ونسيتك .نسيت نفسى
كيف ولماذا وماذا استفدت ؟؟
لا فائدة من الإجـابة الآن
فعلا نعيش لغيرنا بكل ما فينا من طاقة
وحب وننسى أنفسنا
نعم أنا أعيش لكم
.....
فمن يعيش لى ؟؟؟؟؟؟؟؟؟؟؟؟؟
فعلا نلبى رغبات الغير بكل حب
وفى سرعة البرق وننسى أنفسنا
أستيقظ كل يوم من نومى وأبدأ يومًا جديدًا
وفى عقلى مئات الأشياء من أجل الغير
أريد أن أسعد فلان
أريد أن أريح قلب فلان
أريد أن أقضى ما طلبه منى فلان
أريد أن أسأل عن فلان
أريد أن أساعد فلان
ولــكـن
أين نفسى من كل هذا ؟؟
أين كلمة أريد أن أريح نفسى ؟؟
أين أريد أن أحقق ما تحتاجه نفسى ؟؟ ؟
أشعر أن نفسى غابت وتاهت منى فى دوامة
وباتت فى سبات لأنها ملت الانتظار
وكأنها يئست من حالى
لكنى أفقت يا نفسى الحبيبة
وتنبهت إلى جرم فعلتى وندمت
وأرجوك أن تسامحينى
أعلم أنك نقية وأبية وأحيانا عنيدة
فأرجوك ألا تعاندينى ولا تلومينى
وتسامحينىوداوى جرح قلبى
و أريحنى لأننى تعبت وسئمت من غدر الأخرين
Wednesday, 19 March 2008
هـــذا الرجل أحبه فى الله
أحببته منذ أن رأيته ...أحببته منذ أن سمعت أول كلمة نطق بها...أحبه جدا
جدا ... وأحترمه جد جدا....ا
وأعرف أن هناك الملايين تحبه مثلى .......لأن من رأه لايملك إلا أن يحبه
رجل له جاذبية خاصة ....... رجل غيور على كل من يعرفه ومن لايعرفه
رجل عندما يتكلم ....... يسكت الأخرون ...احترامًا ..وانصاتًا بإقناع
رجل يخاطب عقلى ..... ويحترم قدراتى وقدرات غيرى
رجل يحلم ويصمم على تحقيق حلمه ليصبح حلما عاما يعم بالخير على الجميع
كان يحلم مجرد حلم ........ وصمم على تحقيق هذا الحلم .......على الرغم أن الطريق
ملىء بلأشواك
رجل نادر فى زمننا هذا
ليس حلم شخصى بل حلم أمة بأكملها
عارضه الكثيروووووون ...............لكنه رفض أن يلتفت إليهم حرصًا منه أن يغفل عن
حلمه وحلم الأمة
بداخلى الكثير من المشاعر النبيلة تجاهه ويعجز لسانى عن التعبير عن تلك المشاعر
بداخلى الكثير من المشاعر النبيلة تجاهه ويعجز لسانى عن التعبير عن تلك المشاعر
ولكنه يستحق أكثر من ذلك
رجل غيور على دينه وعلى رسوله_عليه أفضل صلوات وسلام - حبيب للرحمن ...
غيور على أبناء وأباء وأمهات أمة رسولنا محمد...بل الكل
لأنه عمل بحديت حبيبنا المصطفى عليه أفضل صلوات وسلام
"أحب الناس إلى الله أنفعهم للناس وأحب الأعمال إلى الله سرور تدخله على قلب مسلم
فهو رجل صنع حياتنا.......وأخد بأيدينا لنمشى على خطى الحبيب ....
وأدخل الجنة فى بيوتنا .
تحية طيبة وتحية تقدير للداعية الاسلامى الفاضل
الاستاذ:- عمـــــرو خالـــــــد
نحن معك فى كل ماتحلم به من أجلنا ومن أجل أمتنا الاسلامية والعربية .
نحن معك فى تنمية وطننا فى إنقاذه من ظلمات الفساد والغش والجهل
جزاك الله كل خير عنى وعن كل شباب الأمة بل جميعها كبارا وصغارا
نحن معك فى الحملة التى أعلتنها منذ أيام للقضاء على الادمان والمخدرات
" اقف المخدرات ........وغير حياتك"
سنصبح أمــة إيجابية ونغير حياتنا لأنها ملكنا نحن وليست ملكًا لأحد
فحريتنا منحة إلهية فلن نفرط فيها
شكرًا لك لأنى تعملمت منك أن أحلم .....وأصر على تحيق حلمى بكل إصرار وعزيمة
شكرًا لأنى تعلمت الصبر والتحدى وفوق كل هذا الإيمان بأن من السهل تحقيق الأحلام
وأن أسعى مع أخ لى أفضل من أمكث فى المسجد كما قال حبيبنا المصطفى عليه أفضل
صلوات وسلام .وفقك الله وسدد خطاك وكل من معك وذلل لكم الصعاب فى طريقكم .
Monday, 10 September 2007
كتير بنجرح
قعدت كتير أوووى أفكر فى موضوع أنزله بوست فى البلوج
ولازم طبعا يكون موضوع محصلش
ولازم طبعا يكون موضوع محصلش
ولقيت الوقت بيمر وأنا مبكتبش حاجة مع إن الواحد جواه كلام كتير أوووى
وحاجات نفسها تطلع وتنط بس مش عارفه ليه ديما كبتاها
وحاجات نفسها تطلع وتنط بس مش عارفه ليه ديما كبتاها
يمكن عشان أنا من مدة اتعودت إنى أسمع للى حواليا أكتر ما أتكلم
وأن اللى عايز يتكلم ويفضفض يجىء ويتكلم .
بس النهاردة حسيت بجد إنى نفسى أتكلم أوووى
فلقيت انه البلوج المكان الوحيد اللى الواحد ممكن يطلع اللى جواه معاه ، مش فيه
بس النهاردة حسيت بجد إنى نفسى أتكلم أوووى
فلقيت انه البلوج المكان الوحيد اللى الواحد ممكن يطلع اللى جواه معاه ، مش فيه
هو ليه ياجماعة بنجرح بعض ؟؟؟؟؟؟؟؟؟؟
كتير بنجرح بعض من غير منقصد ممكن بكلمة أو بنظرة وأحيانا بإشارة
كتير بنجرح بعض من غير منقصد ممكن بكلمة أو بنظرة وأحيانا بإشارة
وكمان لما نتعاتب ممكن نجرح بعض حتى لو بنحب اللى بنعاتبه
مهوا العتاب محبة فى نظر البعض
بس بجد لما بنعاتب بنجرح ويمكن من غير منقصد
بس بجد لما بنعاتب بنجرح ويمكن من غير منقصد
وياعينى على الجرح اللى بيجى من الناس اللى بتحبهم وقريبن منك أهلك ،اصدقائك
بيبقى جرح مالوش حل بالشطة والليمون بيقى بجد جرح صعب التئامه بسرعة
وحتى لو التئم هنخاف عليه من أى حاجة وأصغر حاجة ليتفتح من جديد
ويا ويلنا لو اتفتح تانى
ويا ويلنا لو اتفتح تانى
الجرح جرح يعنى مش هيرجع لاصله حتى لو بمرور الزمن
زى ماكتير بيتقال ان الايام كفيلة تنسى أى حاجة
لأن ببساطة اللى بيكسر مابيصلحش وصعب يرجع زى ماكان .
كتير من الناس بتقول اننا مادمنا بنحب يبقى هنسامح
وننسى الجرح بسرعة وانه هيلتئم بسرعة
زى ماكتير بيتقال ان الايام كفيلة تنسى أى حاجة
لأن ببساطة اللى بيكسر مابيصلحش وصعب يرجع زى ماكان .
كتير من الناس بتقول اننا مادمنا بنحب يبقى هنسامح
وننسى الجرح بسرعة وانه هيلتئم بسرعة
ماهو شعارهم (على اد مانحب على اد ماهننسى الجرح )
وعلى اد المحبة يكون العتاب
وعلى اد المحبة يكون العتاب
مش عارفه ياجماعة بس أنا من اللى شايفين ان الجرح جرح وانه صعب يرجع تانى
وأنه مش هيلملم بكلمة اعتذار أو أسف
وأن اللى انجرح ممكن يعدى الأمور ويضحك ويعامل اللى جرحه عادى
وأن اللى انجرح ممكن يعدى الأمور ويضحك ويعامل اللى جرحه عادى
بس هيكون فيه حاجة جوه بتوجعه ماهى الحياة برضه لازم تمشى .
عجبتنى قصة اووووووى وأنا بلفلف كالعادة فى المدونات
ولقيتها بالظبط تلخيص للحالة اللى بمر بيها
عجبتنى قصة اووووووى وأنا بلفلف كالعادة فى المدونات
ولقيتها بالظبط تلخيص للحالة اللى بمر بيها
يعنى من الأخر بتضرب بكل حنية على الوتر الحساس
بجد جات فى الصميم أووووووووى
القصة بتحكى وتقول إنه كان يا ماكان
كان فيه ولد سريع الغضب وصعب السيطرة عليه
القصة بتحكى وتقول إنه كان يا ماكان
كان فيه ولد سريع الغضب وصعب السيطرة عليه
أبوه رجل حكيم أوى حب يعلمه حاجة
عشان يسيطر على غضبه وما يخسرش اللى حواليه
عشان يسيطر على غضبه وما يخسرش اللى حواليه
الوالد قال لابنه ان كل ماتتعصب دق مسمار فى سور الحديقة
طبعا الابن عمل كدا
طبعا الابن عمل كدا
وكان عدد المسامير فى أول يوم كبير جداااا
وبدأ يقل يوم عن يوم لحد ما فى يوم
وبدأ يقل يوم عن يوم لحد ما فى يوم
لاقى الابن أنه ما دق ولا مسمار فى السور واستمر كدا
أسبوع وراح فرحان لأبوه يقوله إنه بقى تمام ومابيتعصب ولا بيغضب
أسبوع وراح فرحان لأبوه يقوله إنه بقى تمام ومابيتعصب ولا بيغضب
الوالد قاله دا كويس أوى خلاص افتكر ان اليوم اللى ماتغضبش فيه
ابقى اخلع مسمار من المساميراللى دقتهم فى سور الحديقة
ابقى اخلع مسمار من المساميراللى دقتهم فى سور الحديقة
الولد عمل كدا فعلا لحد ما خلص خلع كل المسامير راح لأبوه وقاله
فالولد خد ابنه وراح يوريله سور الحديقة وشكله بعد خلع المسامير لاقاه كله مخرم
قاله شفت غضبك عمل ايه فى اللى زعلتهم وجرحتهم
قاله شفت غضبك عمل ايه فى اللى زعلتهم وجرحتهم
وكمان السور أمره محلول هيترمم وهيرجع أجدد من الأول
أما الناس اللى جرحتهم صعب أوى نفسهم تترمم وتلتئم بسهولة.
يا ترى النفس بتترمم وترجع زى الأول؟؟؟؟؟؟؟؟
ويا ترى لو عاتبنا اللى بنحبهم يبقى كدا هنجرحهم ؟؟؟؟
ولو جرحناهم هنخسرهم ؟؟؟؟؟؟؟؟؟؟؟
كل سنة وانتوا طيبين بمناسبة شهر رمضان الكريم
ودمتم بخير وسعادة وحياة بلا جراح
يا ترى النفس بتترمم وترجع زى الأول؟؟؟؟؟؟؟؟
ويا ترى لو عاتبنا اللى بنحبهم يبقى كدا هنجرحهم ؟؟؟؟
ولو جرحناهم هنخسرهم ؟؟؟؟؟؟؟؟؟؟؟
كل سنة وانتوا طيبين بمناسبة شهر رمضان الكريم
ودمتم بخير وسعادة وحياة بلا جراح
Sunday, 19 August 2007
بدايـة الطـريـق
السلام عليكم ورحمة الله وبركاته
ازيكوا يا أهل البلوجات والبوستات وكل ماهو أت وليس منفات .
عايزة احكى النهاردة عن فكرتى عن البلوجات وفرحتى ببلوجتى
وكمان شويه وهغنى معايا بلوج معايا بلوج
ازيكوا يا أهل البلوجات والبوستات وكل ماهو أت وليس منفات .
عايزة احكى النهاردة عن فكرتى عن البلوجات وفرحتى ببلوجتى
وكمان شويه وهغنى معايا بلوج معايا بلوج
ويااااااا بلوجات يااااااااااااااااا
هحكى الاول عن أول مرة سمعت فيها بلوج وأول مرة أسمع فيها كلمة بلوج
كانت من مدة قصيرة أوى
هحكى الاول عن أول مرة سمعت فيها بلوج وأول مرة أسمع فيها كلمة بلوج
كانت من مدة قصيرة أوى
حذارى أسمع أى حد يعلق ويقول إيه الناس اللى من زمان دول
خلى بالك أنت فى بلوجتى يعنى منطقتى
المستقلة مش مسئوووووول عن أى اصابات
نأسف لهذا العطل حد جبار دخل فى الخط
نكمل بقى سمعت البلوج وبجد ماكنتش فاهم
معناها بس حسيت انها كلمة نتية
يعنى لها علاقة بعالم النت والفضائيات وسألت يعنى إيه بلوج؟؟؟
فشرحولى يعنى إيه وإدونى بلوجات أشوفها
على فكرة هو شخص واحد بس واو الجماعة دى يعنى للتعظيم والفخامة
وبقوله من منبرى هذا قصدى من بلوجتى اعرف الجمايل دى اهاااااا
نكمل بقى سمعت البلوج وبجد ماكنتش فاهم
معناها بس حسيت انها كلمة نتية
يعنى لها علاقة بعالم النت والفضائيات وسألت يعنى إيه بلوج؟؟؟
فشرحولى يعنى إيه وإدونى بلوجات أشوفها
على فكرة هو شخص واحد بس واو الجماعة دى يعنى للتعظيم والفخامة
وبقوله من منبرى هذا قصدى من بلوجتى اعرف الجمايل دى اهاااااا
دخلت البلوجات وقرأت فيها وعجبتنى جدا وبجد حسيت إنى فى عالم تانى
يعنى لقيت ناس كتير بتكتب شعر يهز أوتار القلوب الموجوعة
ويقلب فى آهات الذكريات شعر حلوووو جدن
ويقلب فى آهات الذكريات شعر حلوووو جدن
ولقيت ناس بتكتب وجهة نظرها فى أى موضوع حابه تتكلم فيه
بصرف النظر عنالاسلوب حلو ولا لاء ودى بجد حاجة حلوووة أووووووى
بصرف النظر عنالاسلوب حلو ولا لاء ودى بجد حاجة حلوووة أووووووى
إن الواحد يطلع اللى جواه وبراحته
يعنى مفيش حد يقوله لاء ودى اى أو لاء يعنى البلوج بيكون زى المكان اللى الواحد بيروحه
ويكلم نفسه وبصوت وفيه كمان احساس بالشجاعة
ويكلم نفسه وبصوت وفيه كمان احساس بالشجاعة
لان الواحد هيطلع اللى جواه من غير تردد او قلق
كمان فى البلوجات إن الناس بدأت تعرف أخبار بعض من المدونات
وبتطمن على بعض وبتقف جنب بعض لا وكمان بتعزى بعض
(أنا قصدى على مدونات ناس عرفتهم مش كل المدونات اللى شفتها )
وبجد استفدت من البلوجات والبوستات قرأت مواضيع كتير وعرفت أراء ناس كتير
والحياة بقى خبرات وتجارب ولاحظت ان فيه مدونات لناس سنها صغير
بس فكرها محترم وناضج ورأيها كبير
وبتطمن على بعض وبتقف جنب بعض لا وكمان بتعزى بعض
(أنا قصدى على مدونات ناس عرفتهم مش كل المدونات اللى شفتها )
وبجد استفدت من البلوجات والبوستات قرأت مواضيع كتير وعرفت أراء ناس كتير
والحياة بقى خبرات وتجارب ولاحظت ان فيه مدونات لناس سنها صغير
بس فكرها محترم وناضج ورأيها كبير
مواضيع مهمة وقضايا مجتمع وكمان آراء دمها خفيف
واطمنت بجد ان لقيت شباب وبنوتات فاهمين الحياة صح وواخدينها بجد
ليهم هدف ومصممين يحققوه ومختلفين عن اللى
واطمنت بجد ان لقيت شباب وبنوتات فاهمين الحياة صح وواخدينها بجد
ليهم هدف ومصممين يحققوه ومختلفين عن اللى
الواحد بيشوفهم فى مسابقات الاكاديميات والصوتيات والضويئات والفضائيات والكافيهات
.
وبدأت الفكرة تعجبنى اووووووووووووى فقررت الدخول إلى عالم البلوجات والبوستات
.
وبدأت الفكرة تعجبنى اووووووووووووى فقررت الدخول إلى عالم البلوجات والبوستات
وربنا يستر عليا بقى وعليكم انتوا كمان
والله وبقيت بلوجر ياناس اشى خيال لولولولولولى
ودمتم بخير وصحة وسعادة
والله وبقيت بلوجر ياناس اشى خيال لولولولولولى
ودمتم بخير وصحة وسعادة
